Karta e vizitorëve

Në Spitalin Universitar të North Middlesex (North Middlesex University Hospital), ne vlerësojmë rolin e rëndësishëm që luajnë të dashurit, miqtë dhe kujdestarët për të mbështetur pacientët gjatë procesit të shërimit të tyre. Ne dëshirojmë që të gjithë vizitorët të ndihen të mirëpritur dhe të lirë të bëjnë pyetje. Karta jonë e vizitorëve përshkruan se çfarë mund të prisni nga ne gjatë vizitës suaj dhe çfarë do të dëshironim ne në këmbim. Ne duam të sigurohemi që vizita e hapur të jetë e dobishme për të gjithë.

Të tregohemi të respektueshëm, të sjellshëm dhe mikpritës ndaj të gjithë vizitorëve.

Të tregojmë mbështetje ndaj vizitorëve që dëshirojnë të marrin pjesë në kujdesin shëndetësor ndaj të dashurit të tyre.

Të krijojmë një mjedis të qetë dhe relaksues për të ndihmuar pacientët të shërohen

Ne do të bëjmë më të mirën tonë për të siguruar që orari i vakteve të jetë pothuajse i njëjtë çdo ditë.

Të mbajmë të informuar mirë të afërmit e secilit pacient (me lejen e pacientit).

Ne do të bëjmë gjithçka që mundemi për të parandaluar infeksionin. Kjo nënkupton edhe kufizimin ose pezullimin e vizitave herë pas here.

Të flasim me vizitorët se si ta shfrytëzojnë sa më mirë kohën e tyre në pavijon.

Ne do të sigurojmë një mjedis të pastër spitalor.

Të përdorim aftësitë tona për t’i dhënë përparësi planifikimit të kujdesit shëndetësor për pacientët tanë dhe komunikimit të vendimeve tona

Të jemi të gatshëm të dëgjojmë dhe të jemi të hapur ndaj reagimeve.

Tregohuni të respektueshëm dhe të sjellshëm ndaj stafit dhe pacientëve, dhe vizitorëve të tjerë. Përpiquni të mos shqetësoni stafin që kryen punë të rëndësishme, si p.sh. dhënia e mjekimeve.

Tregoni respekt për privatësinë dhe dinjitetin e pacientëve dhe largohuni nga shtrati nëse ju kërkohet ta bëni këtë.

Ju lutemi kini parasysh se do t’ju kërkohet të dilni nga pavijoni nëse ndodh një urgjencë mjekësore

Njoftoni infermierët nëse dëshironi të ofroni kujdes. Nëse mund ta ndihmoni mikun ose të afërmin tuaj në momentin që do të ushqehet, ju lutemi pyesni ekipin e pavijonit se çfarë mund të sillni me vete dhe për oraret e vakteve.

Jepini të dashurit tuaj sendet e veta të tualetit, protezat, syzet, aparatin e dëgjimit, veshjet dhe këpucët e përshtatshme.

Pacientët tanë ndihen të dobët, ndaj ju lutemi përpiquni të bëni sa më pak zhurmë dhe vendoseni telefonin tuaj pa zile.

Largohuni menjëherë në fund të kohës së vizitës dhe ktheni çdo karrige që keni marrë hua.

Përpiquni që vizitat të jenë jashtë orarit të vakteve, përveç nëse dëshironi të ushqeni anëtarët e familjes tuaj; kjo do t’i japë mundësinë pacientëve të hanë vaktin e tyre në një mjedis të qetë. Ju lutemi njoftoni stafin nëse dëshironi të ndihmoni pacientin të ushqehet (kjo mund të ndryshojë nga pavijoni në pavijon). Ne do t’i inkurajonim dhe mbështesnim të afërmit që mbështesin pacientët gjatë vaktit të tyre.

Organizoni që një anëtar i familjes të veprojë si ndërlidhës ndërmjet stafit të pavijonit, familjes dhe miqve.

Njoftoni infermieren/maminë përgjegjëse nëse mendoni se nuk ju është dhënë informacion i mjaftueshëm.

Qëndroni në shtëpi nëse vuani nga simptoma të ftohjes/gripit ose të vjella dhe/ose diarre dhe mos ejani për vizitë derisa simptomat të jenë zhdukur prej të paktën dy ditësh. Lani duart kur hyni dhe dilni nga pavijoni dhe përdorni xhelin/shkumën me alkool kur është i disponueshëm.

Mos u ulni në shtratin e pacientit.

Mos përdorni tualetin ose banjën e pacientit.

Largohuni herë pas here nga shtrati që pacienti të mund të pushojë nëse është e nevojshme.

Ndihmoni pacientin që të mbajë në rregull hapësirën e shtratit dhe lejoni stafin të pastrojë në mënyrë efektive

Informoni stafin për çdo nevojë specifike që ka pacienti. Pyetni stafin për “Pasaportën e Pacientit”.

Ju lutemi, komunikoni me ne nëse keni ndonjë pyetje dhe na tregoni se çfarë mendoni për kujdesin që po merr pacienti

Jemi të përkushtuar të ofrojmë kujdes shëndetësor të cilësisë së lartë për pacientët tanë. Faleminderit për bashkëpunimin.

Nëse nuk është gjetur një zgjidhje për shqetësimet tuaja pasi të keni folur me personelin në pavijon, ju lutemi kontaktoni Shërbimin e Këshillimit dhe Ndërlidhjes me Pacientët (Patient Advice and Liaison Service, PALS), i cili ndodhet në katin e parë pranë hyrjes kryesore të spitalit. Ata do të punojnë me ju për të zgjidhur shqetësimet tuaja. Email: northmid.PALS@nhs.net ose numri i telefonit: 020 8887 3172.